Niissempi antu Kalea

NIISEMPI ANTU KALEA

Karya : Kembong Daeng 

Punna nisseng kalea
Tau sitojeng-tojeng
Pajjari-Na Karaeng Allahu Taala
Mallakki antu
Manggaukang parek kodi
Iyyasani
Parek bajik tuli erok nigaukang

Punna niasseng kalea
Teaki makgaubbawang
Ka tea tongki
Nagauk bawang
Sangkammanta rupatau
Tea nyawata manngalle
Ta siratanta
Manngayao na teyai katte pata
Iyyasani
Dalletta tonji
Maknannuang nisukkuri

Punna niisseng kalea
Sabbarak nipariati
Sukkuruk niparikana
Ampe mabajik
Niparampe ri taua
Mattayang rella
Ta mattayang pappalece
Samata antu
Panngamaseang nikanro Nikminasa allo banngi
Nijojjokang kontu tojeng
Dasi na dasi
Kintama tau maupak
Sabak rella-Na Karaeng Mappajjaria
Karaeng Allahu Taala

26 Mei 2022
Kembong Daeng

Baca juga : KINCAKI RI ATIA