Pammopporangi Anatta
Oleh : Kembong Daeng
I nakkeminne
Anak masannang nyawaku
Tuli tekne pakmaikku
Ka tutowaku
Manngai marimang
Mabajik picuru
Ri anak jari tauna
Nampak nakke caddi-caddi
Nappasang tau towaku
Pakniaki siriknu na paccenu
Pakabajik ampe-ampenu
Nuggaukang parek bajik
Ri parannu rupatau
Pappasanna tutowaku
Tuli kupanggaukanngang
Dasi na dasi
Kujjari tau mabajik
Na masunggu tallasakku
Nakkulle todong
Kupakatekne tutowa malabbirikku
Anrong manggeku
Pammopporangi anatta
Ri sikamma kasalanna
Na kirellai
Anggaukang parek bajik
Rellatapa antu
Na rella Alla Taala
Ri kambe jari tauta
25 Oktober 2022
Kembong Daeng
